Taco Lasagna Pizza - 3 ønsker på en gang?!

Taco leftovers i kjøleskapet og i beit for middag, kva gjer ein då etter 3. dagen med ulike texmex variantar?

Ein pakke soft-tortillas og litt fantasi resulterte i denne oppskrifta:

3 stk soft tortillas

200 gr taco-kjøttdeig

Taco-tilbehør

Legg ein stk tortillas nederst for å unngå fastbrent saus i forma.

Lag 1: Salsa, brune-bønner og halve kjøttdeiga.

Lag 2: Rømme, paprika, tomater og ost

Lag 3:Salsa, rømme, tacokjøtt, bønner og resten av tomatane + ost på toppen til gratinering.

Sett forma i ovnen og ver tolmodig!

Vi tok den ut litt for tidleg og då var den kun lunken inni, sjølv om den såg ferdig ut. Vil anbefale at den står minst 30 min på 180 grader :)

Fin variasjon  til standard taco og nydelig godt! Verdt å prøve :)

Frieri på fjellet!

1. april og nesten på dagen 4 år etter vår første date i skitrekket på Stranda gjekk Christopher på kne på Vassfjellet for å fri til si kjære Jill Alice...iallfall så knesåande ein kjem med slalomski på beina.

For spesielt interesserte kan vi nemne at ringen er ein såkalla «en-steins» friarring i kvitt gull. Her er det etterkvart mange skular som gjeld: Nokon byrjar, som vi, med ein ring til jenta og kjøper forlovelsesringar saman. Seinare kan ein gravere forlovelsesringane med dato eller kjøpe dedikerte gifteringar. Vanligvis er det brura som får oppdatert smykkekolleksjonen, og mannen held seg til ein ring. Om jenta vil er litt heldig kan ho altså ende opp med 3 ringar! Kva vi gjer gjenstår å sjå.

Uansett så er vi lykkelig forelska og strålar om kapp med påskesola! Jill Alice nyt kvart eit blikk på den vakre ringen og tanken om at vi no er trulova til kvarande varmar hjartet ♥

Ok, dette blei kanskje litt vel sukkersøtt, så håpar dette bilete kan avslutte med meir enn 1000 ord til;)

Famileweekend på Oppdal

I helga leigde vi Tieto-hytta på Oppdal og samla 7 voksne og 7 barn til ei koselig familieweekend.

Ein velkjent formel seier: søl = kokker*n, der n står for antall. Vi tok derfor på oss ansvaret for middag og lunsj.
Ukjent med tilgang på kjøkken og redskap gjorde vi mest mogleg klart på førehand – proaktivt nok, men i tillegg printa vi menyen på eit ark for offentleg gjønagang. Då kunne verken store eller små  komme med ubegrunna klager rundt bordet, noko dei heller ikkje gjorde. På den nokså barnevennlege hyttemenyen sto det taco, pizza, hamburger, baconpølse og graut. Månedens deal på Prix er forresten kjøttdeig og tortillas, samt hamburgerbrød og beef hamburger ;)

Hytte-weekenden starta med snøvkave og ruskevêr, men på fredag formiddag tok skyene og vinden seg ei lita pause så vi fikk nokre flotte timar i trekket.

I tillegg til å ha Stølen alpintrekk 100 meter opp i bakken hadde vi ein stor snøhaug i hagen. Denne blei flittig brukt til akebrett-hopp og snøhol.
Til ungane si store glede blei det også litt tid til eit snøvbad ;)

Tusen takk for ei fantastisk helg ♥

Sjokoladeterapi

Laurdag tok jentene Jill Alice, Sonja og Lene fatt i slikkepotten og stavmikseren for  ein real bakedag.Med sjokolade som hovudingrediens, endte vårt søk etter gode oppskrifter på kokosboller og bamsemumskake.


Ingen av oss hadde laga kokosboller før så det blei ein spennande prosess med prøving og feiling.

Vi brukte ei oppskrift fra Dagbladet med kokosbolle-fyll:

4 eggekviter
300 g sukker
6 gelatinplater

Her erfarte vi at sukkerkorna ikkje fikk nok væske og dermed kunne vi tydelig kjenne sukkerkorna når vi smakte på marengsmassa. Korleis kan vi komme unna dette?

Eit forslag vi har er å blande ut sukkeret i gelatinen og dermed få smelta det før det blandast i eggekvitene. Eventuelt må ein prøve å la det stå i miksaren i lengre periode.

 

Sprøyta fyllet på mariekjeks og plasserte dei tolmodig i kjøleskapet...heldigvis hadde vi eit par slikkepotter å smake på ;)

Sjokoladetrekk:

150 g kokesjokolade
25 g delfiafett
ca. 2 dl kokosmasse.

Medan vi venta på at sjokoladefyllet på kokosbollane skulle stivne kokkelerte vi i hop ei bamsemomskake.

Åja, den inneheld bamsemoms og det kan vel ikkje bli anna ein godt?

Oppskrifta på Bamsemumskake fann vi på "Det søte liv":

  

3 store egg
3 dl sukker
150 g smør
0,7 dl kakao
0,5 ts bakepulver
2,5 dl kveitemjøl
15 stk Bamsemums

Glasur:
0,5 dl kremfløyte
100 g kokesjokolade

Vi lot den stå i ovnen i 52 minutter på 160 grader og resultatet blei FANTASTISK!

 Kaka var som ein diger brownies med deilige overraskingar av bamsemums inni.

I oppskrifta stod det "dødsgod" og vi kan absolutt bekrefte dette :)

Treng du sjokoladeterapi er denne kaka det riktige valget! 

Tusen takk for ein fantastisk bakedag jenter ♥

Tortillas Update

Vi har motteke spørsmål frå publikum om maizena er ein mulig substitutt for maismjøl – det er det ikkje. Maismjøl får ein tak i på helsekost eller i hylla for helsekost i butikken.

Det er heller ikkje kjempekjempeenkelt å få lefsene fine første gongen, men ikkje gi opp heilt med det same:)

Fastelavn

Det viser seg å vere fastelavn i dag, og Jill Alice er i skrivande stund på jakt etter ein åpen butikk for å kjøpe gjær og kremfløyte til bollane. Fastelavn markerer at vi nærmar oss fastetida som startar 6 veker før påske på askeonsdag. I morgon følger blåmandag med feitetirsdag eller Mardi Gras på tirsdag. 6 veker er omlag 40 dagar, eit tall vi ofte finn i Bibelen:

Jødane vandra 40 år i ørkenen.
Moses fastet 40 dager på Sinai.
Jesus var 40 dager i ørkenen.

Altså ikkje heilt tilfeldig. Idag er det også 5-mil, så ein bolle med krem passar utmerka!

God fastelavn alle saman!

VM stor bakke!

Vi skal straks til med finaleomgangen og Norge har 2. og 3. plassen!

Ski-VM 2011

For 2 måneder sidan opna vi julegava og idag er vi endeleg på vei til Oslo og VM på ski!
NSB fraktar oss i natt til Oslo og vi gledar oss til ei fin vm-helg saman med familien til Christopher :)

I morgon har vi billettar til hopp i den nye Holmenkollbakken, og vi gledar vi oss til å ta del i kollenbrølet!

Kanskje får vi helse på maskotane Fnugg og Ull også?

Vi håpar iallefall at utsikta blir god og at vêret tillet nokre vakre VM-bilete.

JC tacoskole del 2!

Etter suksessen med heimelaga taco-krydder blei vi inspirert til vise kor enkelt ein kan lage tortillas! Vi haldt oss til heimelaga lefser og kryddermiks, altså ingen sjølvdyrka salat eller nykverna kjøttdeig i denne omgang.

Jill Alice og Sonja viser seg som flotte kjerringemne, i full sving med å kjevle ut flotte lefse-emne.

Tortillas (5 stk):

50 gr maismjøl (IKKJE maizena)

80 gr kveitemjøl

1 ts bakepulver

1 ts salt

4 ss olivenolje

0.5 dl vann

Bland ingrediensane til ei fin deig som ikkje kleimar.

Vi har prøvd å la deiga stå litt, men det viser seg at den er enklare å kjevle og handtere med ein gong.

Pass på at diameteren på lefsa ikkje blir større enn steikepanna!

Tjukkelsen er det ingen fasit på, men ca 1 mm tykkjer vi er eit bra utgangspunkt. Vert dei for tjukk har dei det med å knekke lett. Her i huset lagar vi dei så tynn som vi klarer å få dei.

Bruk ei tørr steikepanne og la den varme seg godt opp på full guffe. Lefsene skal kun ligge i ca 30 sek på kvar side. Blir boblene brent er det for varmt og om det ikkje boblar er det for kaldt. Her må du berre prøve deg fram, same som når ein skal steike pannekaker, det trengs eit par forsøk før ting sitt :)

Resultatet blir ei mør og lett lefse som nærmast smeltar i munnen, ikkje samanliknbar med hundeskinnet dei sel i butikken.

Det er ABSOLUTT verdt det lille ekstra arbeidet og går mykje fortare enn du trur(etter litt trening).

God helg :)

Frisørsalong Barth & Co

Lenge har eg håpt på eit hårfargingstilbud fra Groupon og samtidig sett etterveksten bli lengre og lengre...NO var det nok venting! Mi snille frisør-søster heiv seg rundt og sendte oppover ein redningspakke som innehaldt 4 ulike brunfargar frå Richesse i nyansane 5, 4, 5.15 og 5.25, som er lys og mørk brun og to nøttefargar + utstyr :)

Som tidligare assistent på Paletten Frisør, Haramsøy, har eg noko erfaring innan bransjen. Å utføre dette på seg sjølv er derimot ikkje så lett. Lene Barth blei derfor overtala til å vere frisør, med Christopher som assistent og etter ei kort innføring satte vi (noko nølande) i gang. 

 Lene klarte seg utmerka som frisør :)

Etter ein time med arbeid var håret "så godt som nytt" og fargen blei frisk og fin.

Må innrømme at det var ganske spennande å føne håret og sjå kva farge eg hadde fått :)

Heimelaga tacokrydder

Det er fredag og straks helg. I god norsk moderne tradisjon er tex-mex eit populært innslag på middagsbordet. Vi har studert kryddermixpakken på butikken og dekomponert innhaldet og gjort vår eigen versjon av denne. Utan å ha rekna på det vil vi tru at stykkprisen kjem langt under dei 10-15 kronene pakken på butikken kostar.

Prisen er ikkje så viktig, er jo veldig stas å kunne vere sjølvberga, samt at ein har full kontroll på innhaldet. Spisskummin er den dominerande smaken vi kjenner att, men i eit ekte meksikansk kjøkken er den faktisk ikkje så dominerande.

Oppskrifta vi brukar er omlag slik:

Kryddertyper:

Paprika, Spisskummin, Koriander, Cilantro og Chipotle.

Sidan Chipotle er ganske sterk kan det vere ein fordel å tilsette dette tilslutt ved prøvesmaking. Her har vi heller ikkje putta salt i miksen som er ein viktig bestanddel i butikkpakken (ilag med MSG/smaksforsterker).

Chipotle og Cilantro krydderet har vi bestillt fra USA på eBay.

Chipotle er tørket, røkt chili, ofte av typen jalapeño, som er mye brukt i mexikansk matlaging.(Wikipedia) Eit krydder vi fekk smaken på i USA gjennom restaurantkjeda: Chipotle - Mexican Grill

Voila: Heimelaga tacokrydder :)

Steik kjøttet som vanleg på sterk varme og litt om gongen. Om du vil ha den gryteaktige konsistensen med 1 dl vatn som ferdigpakken må du jamne med mjøl og brune nokre minutt. Mjølet tek til seg væska som kjøttet skil ut. Salt er som sagt viktig, og det kan gjere seg bra å steike litt kvitløk i lag med.

Little Indonesia

ISFiT-gjestane våre er på plass: Kiky og Anggita frå Indonesia.


Her får dei servert heimelaga rømme og risengrynsgraut. Dei sa det smakte bra, men det trur vi dei hadde sagt uansett... Blide og hyggelege er dei iallfall!

Kaffitrakter

Vår nye geniale kaffitrakter er verkeleg noko å trakte etter ;)

Det er Eva Solo som leverer denne lekre saken som på fint heiter «Coffe Funnel» og fordelen er at vi kan få 1 kopp nytrakta kaffi rett i koppen!

Alt som må til er å plassere eit filter med ca 1 kaffiskje filtermalt og helle over ca 2 dl nykokt vatn! Trakta står av seg sjølv i koppen så da kan du lage til ein liten matbit eller snacks til kaffien medan du ventar.

Kaffikos :)

Vil med denne gode dufta av nytrakta kaffi sende ei helsing til alle mødre:

Gratulerer så mykje med morsdagen i dag ♥

Professor Splash på Gløs

Det er jo allereie godt dekka i riksmedia, men Jill Alice & Christopher Blogg hadde sjølvsagt si eiga utsending på verdsrekordforsøket. Det vart eit langt kvarter å vente i kulda for 1 lite sekund moro, men absolutt verdt det:



Landinga med litt reklame først ligg på vgtv eller fra eit tidligare forsøk på youtube.

ISFiT er straks igang!

Vi har registrert oss som vert for ISFiT, og i natt klokka 01.00 skal vi plukke opp våre to gjestar på Samfundet. Cirka 500 deltakarar frå 104 land kjem til Trondheim og skal pjaske med forskjellig. Vi treng berre å stile med frukost og seng(som vi fortsatt manglar..). Vi ønsker oss lykke til med gjestane og håper det blir eit givande besøk!

PS: Du kan støtte deltakarane økonomisk med å gi ein donasjon her.

Regningsrot?

Tenkte vi skulle kome med eit tips for alle som ønsker å få litt meir orden på økonomien seg i mellom.

Ein gammal, men god idé som vi oppdaga for litt sidan er nettstaden http://delregning.no/. Dette er ein norsk versjon lansert for nokre år tilbake i konkurranse mot ei rekke tilsvarande engelske tenester.

Konseptet er uansett enkelt: Felles aktivitetar der alle betalar litt her og der gjer det nestan umogleg å halde kontroll på kven som skyldar kven kva. Delregning.no gjer dette for deg, du lagar ei regning og legg til deltakarar. Kvar deltakar skriv inn sine delsummar og kven som var med på moroa. Delregning.no optimaliserar delbetalinga mellom færrest mogleg deltakarar og ta-dam så kjem sum og kreditor opp på 1-2-3.

Super Bowl XLV

Natt til mandag braka det laust med Super Bowl finalen mellom Pittsburgh Steelers og Green Bay Packers.  

 

Vi starta traust med snacks og kaffi kl 00:30, men klokka 03:12 måtte tre av oss gi tapt til senga pga jobb og skule idag. Stillinga var da 17 - 21 til Packers, og det var ein ganske open og spennande kamp!

I dag kunne vi lese på nettavisene at det var spenning til siste slutt og at det var Packers som gjekk av med seieren: 31 -25 over Steelers.

Under «Halftime» var det duka til eit forrykande show av Black Eyed Peas. Sjølv om lyden var ganske skuff var det ikkje noko å utsettje på «flashmob» showet. 

Det blei også mykje oppstyr i dag rundt Christina Aguilera sin såkalte "flause", men synest ho rodde sangen ganske fint i land :)

 

Til søndagskos hadde eg og Lene baka to brett muffins: eit med lyse i amerikansk størrelse og dette med lekre små sjokolademuffins :)

 

Sjølv om det berre var 2 kokkar blei det mykje søl, og vi fekk oss ein god latter då halve eggedosisen havna på veggar, golv og Lene ;)

Klypa i Trondheim

I går var vi på Byscenenen og såg Klypa-showet "Laaangt over streken". Det begynte bra med at vi hadde 2 kopiar av same billett, og i tillegg hadde dei to andre i følget lagt igjen billettane heime. 4 personar og 1 billett altså. Etter litt fram og tilbake lot dei oss passere med å vise pdf-versjonen som vi lasta ned på telefonen. Stadig vekk viser smart-telefonen med internett og epost å vere ein god idé...

 Trass i ein trøblete start blei det ein triveleg kveld med mange gode latterkuler. Spesielt når bussjåføren Kjellen kom på scena :)

Mannen bak Klypa, Thomas Ryste, imponerte også stort på musikkfronten med mykje god musikk og sang imellom vitsane.

Endelig ski under beina!

Det er allereie februar, men søndag rakk vi ein tur på Vassfjellet Skisenter før den første månaden i 2011 var omme. Jill Alice stilte med nyinnkjøpt alpinutstyr, og bilen stilte med skiboks (som vi gjorde eit kupp på i sommer) for første gang.

Salomon ski,sko og jakke. Hjelm frå Roxy og stavar frå Leki. Skiboks: Skiguard 850.

Non Stop Marabou melkesjokolade fra Sverige, appelsin fra Rema.

10 cm nysnø gjorde forholda ganske bra, men mangel på sol ga flatt lys. Etter 2år skipause merka kroppen melkesyra godt, så vi tok det ganske rolig.
Jill Alice hadde lagt på en CH8 voks og traff perfekt, mens Christopher hadde CH10 på sålen og den vart litt varm med -1º i lufta.Vi gledar oss til neste snøfall.

Godt nytt år!!

Vil ynskje alle våre blogglesera eit riktig godt nyttår!