Julemiddag i Klostergata

Søndag 11.desember diska vi opp med heimelaga julemiddag for dei stressa studentane i huset som premie for ihærdig innsats i eksamensperioden.

Starta tidleg med tilberedning av tilbehøret: f.v Kålrabi til rabbestappe, surkål, rødkål og poteter!

Svineribba vart dynka i salt kvelden i forvegen i håp om god smak på svoren.

Christopher trylla fram ein kryddermiks som vi krydra ribba med før steiking.

Julemixen bestod av salt, pepper, allehånde, ingefær og nellik.

Ribba blei lagt i forma med svoren ned og så fylte vi på med så mykje vatn at det dekte svoren.

Etter 1 time på 170 grader snudde vi ribba og lot den stå i 1 time til. Fulgte med temperaturen på ribba så den ikkje skulle bli over 75 grader.

Tok ut ribba og varma opp ovnen på høgaste varme (sidan grillfunksjonen ikkje fungerar i ovnen vår)

Avslutta prosessen med å sette ribba på høgaste rille og jevnlig helle over kraft over svoren.

Sakte men sikkert blei svoren meir og meir sprø, og vi vart meget fornøgd med dette resultatet!

Miksa rabbestappa med stavmikser for å få god konsistens. Legg merke til "Chef´s Tanta"-forkledet mitt som eg fikk av nevøane mine i fjor jul:)

Kokken Christopher i gong med å skjære opp svineribba og ein skrubbsvolten Torgeir følger ivrig med.

Klostergata 12:

Sondre, Sina, Grethe, Lene, Torgeir, Jill Alice og Christopher :)

Taco Lasagna Pizza - 3 ønsker på en gang?!

Taco leftovers i kjøleskapet og i beit for middag, kva gjer ein då etter 3. dagen med ulike texmex variantar?

Ein pakke soft-tortillas og litt fantasi resulterte i denne oppskrifta:

3 stk soft tortillas

200 gr taco-kjøttdeig

Taco-tilbehør

Legg ein stk tortillas nederst for å unngå fastbrent saus i forma.

Lag 1: Salsa, brune-bønner og halve kjøttdeiga.

Lag 2: Rømme, paprika, tomater og ost

Lag 3:Salsa, rømme, tacokjøtt, bønner og resten av tomatane + ost på toppen til gratinering.

Sett forma i ovnen og ver tolmodig!

Vi tok den ut litt for tidleg og då var den kun lunken inni, sjølv om den såg ferdig ut. Vil anbefale at den står minst 30 min på 180 grader :)

Fin variasjon  til standard taco og nydelig godt! Verdt å prøve :)

Fastelavn

Det viser seg å vere fastelavn i dag, og Jill Alice er i skrivande stund på jakt etter ein åpen butikk for å kjøpe gjær og kremfløyte til bollane. Fastelavn markerer at vi nærmar oss fastetida som startar 6 veker før påske på askeonsdag. I morgon følger blåmandag med feitetirsdag eller Mardi Gras på tirsdag. 6 veker er omlag 40 dagar, eit tall vi ofte finn i Bibelen:

Jødane vandra 40 år i ørkenen.
Moses fastet 40 dager på Sinai.
Jesus var 40 dager i ørkenen.

Altså ikkje heilt tilfeldig. Idag er det også 5-mil, så ein bolle med krem passar utmerka!

God fastelavn alle saman!

JC tacoskole del 2!

Etter suksessen med heimelaga taco-krydder blei vi inspirert til vise kor enkelt ein kan lage tortillas! Vi haldt oss til heimelaga lefser og kryddermiks, altså ingen sjølvdyrka salat eller nykverna kjøttdeig i denne omgang.

Jill Alice og Sonja viser seg som flotte kjerringemne, i full sving med å kjevle ut flotte lefse-emne.

Tortillas (5 stk):

50 gr maismjøl (IKKJE maizena)

80 gr kveitemjøl

1 ts bakepulver

1 ts salt

4 ss olivenolje

0.5 dl vann

Bland ingrediensane til ei fin deig som ikkje kleimar.

Vi har prøvd å la deiga stå litt, men det viser seg at den er enklare å kjevle og handtere med ein gong.

Pass på at diameteren på lefsa ikkje blir større enn steikepanna!

Tjukkelsen er det ingen fasit på, men ca 1 mm tykkjer vi er eit bra utgangspunkt. Vert dei for tjukk har dei det med å knekke lett. Her i huset lagar vi dei så tynn som vi klarer å få dei.

Bruk ei tørr steikepanne og la den varme seg godt opp på full guffe. Lefsene skal kun ligge i ca 30 sek på kvar side. Blir boblene brent er det for varmt og om det ikkje boblar er det for kaldt. Her må du berre prøve deg fram, same som når ein skal steike pannekaker, det trengs eit par forsøk før ting sitt :)

Resultatet blir ei mør og lett lefse som nærmast smeltar i munnen, ikkje samanliknbar med hundeskinnet dei sel i butikken.

Det er ABSOLUTT verdt det lille ekstra arbeidet og går mykje fortare enn du trur(etter litt trening).

God helg :)

Heimelaga tacokrydder

Det er fredag og straks helg. I god norsk moderne tradisjon er tex-mex eit populært innslag på middagsbordet. Vi har studert kryddermixpakken på butikken og dekomponert innhaldet og gjort vår eigen versjon av denne. Utan å ha rekna på det vil vi tru at stykkprisen kjem langt under dei 10-15 kronene pakken på butikken kostar.

Prisen er ikkje så viktig, er jo veldig stas å kunne vere sjølvberga, samt at ein har full kontroll på innhaldet. Spisskummin er den dominerande smaken vi kjenner att, men i eit ekte meksikansk kjøkken er den faktisk ikkje så dominerande.

Oppskrifta vi brukar er omlag slik:

Kryddertyper:

Paprika, Spisskummin, Koriander, Cilantro og Chipotle.

Sidan Chipotle er ganske sterk kan det vere ein fordel å tilsette dette tilslutt ved prøvesmaking. Her har vi heller ikkje putta salt i miksen som er ein viktig bestanddel i butikkpakken (ilag med MSG/smaksforsterker).

Chipotle og Cilantro krydderet har vi bestillt fra USA på eBay.

Chipotle er tørket, røkt chili, ofte av typen jalapeño, som er mye brukt i mexikansk matlaging.(Wikipedia) Eit krydder vi fekk smaken på i USA gjennom restaurantkjeda: Chipotle - Mexican Grill

Voila: Heimelaga tacokrydder :)

Steik kjøttet som vanleg på sterk varme og litt om gongen. Om du vil ha den gryteaktige konsistensen med 1 dl vatn som ferdigpakken må du jamne med mjøl og brune nokre minutt. Mjølet tek til seg væska som kjøttet skil ut. Salt er som sagt viktig, og det kan gjere seg bra å steike litt kvitløk i lag med.

Karameller

Karameller er noko vi sjelden lagar og var derfor litt nyskjerrige på kor bra det eigentleg kunne bli. Vi satte igong og varma smør, sukker og sirup i ein kjele til det bobla godt. For å teste om karamellen var ferdig la vi litt oppi ei glas med kaldt vatn og dermed fikk vi sjå kor hard den kom til å bli.

Vårt første forsøk kokte litt lenge og blei dermed til eit knallhardt flak med karamell. God om ein passa på å ikkje tygge. 

På forsøk nr 2 var vi litt meir forsiktig med koketida og tok den av plata med ein gong den størkna litt i test-glaset.  I denne karamellen tilsatte vi også litt fløyte.

Skikkeleg god og mjuk, og kleima seg godt i tenne.

 Med eit trekk sjokolade på smakte dei akkurat som Toffin ;) 

Det er så kjekt at det er lov å lage så mykje godt denne månaden. 

Nyt det medan vi kan ♥

Karamelloppskrift:

1 ss smør (stor ss)

1 dl sukker 

1 dl sirup

1 dl fløte

Skal koke godt, men rør mykje og test ofte.

Lukke til! 

Thanksgiving turkey

Etter amerikansk tradisjon er dette ein dag for familien, men i Klostergt 12 er vi nærast som familie å rekne. I tillegg tok vi inn eit par utanforståande til Thanksgiving-middag, og det vart ein riktig koseleg aften med mykje god mat. 

På bordet diska vi opp med kalkun, skinke, potetstappe og søtpotetstappe, bakte, gratinerte brekkbønner og ekte gravy! Solveig og Emily stilte med krydderkake med høg amerikansk stil og Torgeir "bakte" ein liten (legg merke til størrelsen) blåbærpai som vi delte broderlig på.

Ein absolutt vellykka kveld. Her har vi oppsummert med eit lite slideshow:

Musikk: Thanksgiving Day - Guy Davis.

Snurr film!

Fortsetter gjerne med denne tradisjonen i åra som kjem :)

GOD HELG!

Rulle-Kebab

Kvar dag når arbeidaren kjem heim frå jobb er det diska opp med spanande rettar til middag!

I dag var det rulle-kebab som sto for tur med biffkjøtt og heimelaga lefser.

Til både pita og lefse - 3 store kebabar:

3 dl kveitemjøl
1 og ei halv ts bakepulver
1/4 dl olje
1 dl vatn (varmt)
1 ts sukker

Bland deigen sammen til den ikkje er klissete. Rull dei så ut til 20-30 cm sirklar.
Steikast på tørr og veldig varm steikepanne i ca 1 min på kvar side.

Kebabsaus:

Litt majones blanda ut med Kefir.
Kvitløk etter smak
Chilli etter smak
1-2 duskar persille, kuttast
Ketchup til det blir rosa farge

Kebabkjøtt:
Kjøp inn kjøtt til oppskjæring, f.eks flatbiff, mørbrød, lam eller kyllingfilèt. Pass på at det er mørt.

Mariner kjøttet med:

Koriander(ei god ts på 350g kjøtt)
Slump i litt:
Ingefær
Kvitløk
Chilli
Muskat
Nellik
Svart pepar
Salt
Paprika

Framgangsmåte:
Skjær kjøttet i tynne strimal og steik på god varme, pass på så dei ikkje blir kokt. Har du grill kan du legge heile stykket på og strimle seinar. «Kebab» betyr visstnok "grilla kjøt."

Klassik tilbehør er  

Salat

Rødløk

Mais

Tomat

Agurk

Fefferoni

Pakk inn i alufolie for å gjere det enklare å ete og for å få den rette looken. Pynt med ein plastgaffel. Håpe smake!